May crush ako noong Grade Three Michael ang pangalan niya

Tawag sa kanya McGuyver dahil sa kwentong isinulat niya sa klase

Kapag nakaupo siya, nakatikom sa ilalim ng pwet niya ang isa niyang binti

Madalas din niyang alisin ang sapatos niya sa klase kapag naka-upo na

Feeling niya bahay ang eskwela

Hilig niyang kagatin ang kanyang lapis kapag nag-iisip

Mabagal siya mag-sulat kaya siya ang huli laging nakaka-kopya ng lecture at homework sa blackboard

Halos pag-burhan na nga siya ng cleaner-for-the-day

Sa kanya siguro naimbento ang legal na vandal  na “Please Save”

Nagkakaladyaan sila ni Lemuel isang hapon habang lunch bago mag Practical Arts

Nananahi kami noon ng punda

Sinusubukan nilang i-Haduken ang isa’t isa

Imbis na “backfist” ang naisigaw niya ay “backstitch”

Natahi niya si Lemuel into oblivion

Fan siya noon ni Michael Bolton

Sabay pa kami kumanta ng “Lean on Me” at “How Am I Supposed to Live without You?”

Syempre kinikilig pa ako sa duet naming sintunado

Minsan ay nakapag-usap din kami ng halos isang oras tungkol kay MC Hammer

Kasama ko siyang sumayaw ng “Pray” sa isang dance contest sa iskul

Natalo kami

Kaklase ko pa rin siya noong Grade Four at Grade Six

Pero iba na mga hinahangaan ko noong mga panahong iyon

Nung high school ay sa koridor na lang kami nag babatian

Sa kolehiyo ay wala na rin ako masyadong naririnig tungkol sa kanya

Hanggang sa nanatili na lang siya sa likod ng aking mga ala-ala

Crush ko si Michael noong Grade Three

Crush ko siya noon

Nangingiti na lang ako

Kapag naaalala ko siya ngayon