PARANGAL SA MGA GURO AT KAWANI
April 26, 2021 2025-03-19 7:57PARANGAL SA MGA GURO AT KAWANI
Para sa inyo...
Parangal sa Guro at Kawani is a heartfelt tribute to the dedicated teachers and staff of UPIS, whose commitment has shaped countless lives. As part of this year’s homecoming, we honored the individuals who tirelessly nurtured our minds and spirits, and guided us through our formative years. Last December 8, 2024, we gathered together and celebrated with the UPIS teachers & staff in recognizing the vital roles they contributed in the success of the UPIS community.
To all our educators and staff—thank you for your service, your passion, and for being the backbone of our beloved institution!
Salamat sa Parangal 2024
Disyembre buwan ng kapaskuhan
Maraming naghihintay kay Jose Mari Chan
At sa kanyang awit Christmas in our Hearts
Hudyat ng simula ng kapaskuhan sa Pilipinas
Sa aming mga retiradong guro at kawani
Hinihintay din ang Disyembre
Dahil sa UPIS Alumni Homecoming
ang taunang pagkikita namin.
Salamat sa mga pagkakataong
Magbihis, ipahinga ang daster;
Pumunta sa parlor para sa manikyur at pedikyur.
At makulayan mga buhok;
Salamat sa ipinadalang imbitasyon
Matagal hinintay tunog ng celfon
At paanyaya online.
Salamat sa matiyagang paghanap ng mga tamang tirahan,
numero ng telepono, celfon o landline;
Naku, di yan nagbabasa ng mensahe sa celfon
Sasagot lang kung tatawagan.
Salamat sa pangungulit
Talagang kelangan paulit-ulit.
Salamat sa tiyaga
Na mga nagsidalo ay manatiling masaya,
Masakit man mga tuhod at balakang
PIlit tumatayo, lumiligid para mangumusta
Kumaway sa marami
Lalo kung pangalan ay nagwagi
Sa raffle regalo ay samut-sari:
May electric fan, rice cooker, at iba pang gamit.
May nakasobreng regalo din!
Salamat sa masusing pag-aaral at pag-iisip
Ano ang dapat gawin upang mapasaya mga panauhin
Pagbati sa inyo! mga larawan ang patunay
Gaano kami kasaya, puno ng galak mga puso namin
Makita, mayakap ang mga dating kasamahan
Mahabang panahong di nakakwentuhan.
Magpiktyuran, maghalakhakan.
At maraming salamat
Sa inyong tiwala at mahalagang ambag
Sa paghubog sa amin bilang guro at kawani.
Pinanday ninyo upang maging mabuting tao, mabuting Pilipino
Para sa bayan at mamayan: Utak at Puso.
Maraming salamat, UPIS 1999!
Ma’am Teret de Villa
17 Enero 2025